పిల్లలకు తమిళ పేర్లు పెట్టండి: సీఎం స్టాలిన్‌

డీఎంకే నేత అన్బుదురై ఇంటి వివాహ కార్యక్రమం నగరంలో సోమవారం జరిగింది. ముఖ్యమంత్రి స్టాలిన్‌ తన సతీమణి దుర్గతో కలిసి హాజరయ్యారు. ఈ సందర్భంగా మాట్లాడుతూ.. విప్లవ రచయిత పావేందర్‌ భారతిదాసన్‌ చెప్పినట్లు ఇంటికి దీపంగా, దేశానికి కార్యకర్తలుగా ఉండి సేవలు అందించాలని తెలిపారు. నూతన జంట తమకు పుట్టే పిల్లలకు అందమైన తమిళ పేర్లు పెట్టాలని, తమిళ భాషకు వన్నె తీసుకురావాలని పిలుపునిచ్చారు.