యూపీఐ చెల్లింపులు చేసే వారికి శుభవార్త

యూపీఐ లైట్ వాలెట్ పరిమితిని రూ.2,000 నుంచి రూ.5,000కి పెంచుతున్నట్లు ఆర్బీఐ ప్రకటించింది. ఒక్కో లావాదేవీ పరిమితిని కూడా రూ.500 నుంచి రూ.1,000కి పెంచారు. డిజిటల్ చెల్లింపులను మరింత ప్రోత్సహించే లక్ష్యంతో ఈ నిర్ణయం తీసుకున్నట్లు తెలిపింది. దీని ద్వారా, పిన్‌ను నమోదు చేయకుండానే UPI చెల్లింపులు చేయవచ్చు. అయితే ఈ సేవలు వినియోగించుకునేందుకు ముందుగా వాలెట్లో బ్యాంక్ అకౌంట్ నుంచి బ్యాలెన్స్ యాడ్ చేసుకోవాలి.