‘కోడి కూర’ వివాదంలో హిమాచల్ ప్రదేశ్ సీఎం

హిమాచల్ ప్రదేశ్ సీఎం సుఖ్‌విందర్ సింగ్ సుఖు మరో వివాదంలో చిక్కుకున్నారు. ప్రభుత్వం ప్రతిష్టాత్మకంగా చేపట్టిన ‘సర్కార్ గావ్ కే ద్వార్’ కింద సిమ్లా జిల్లా చౌపాల్ సబ్-డివిజన్‌లోని కుప్వి తహసీల్‌లోని టిక్కర్ గ్రామంలో ఆయన బస చేశారు. ఈ క్రమంలో విందులో సీఎంకు కోడి కూర పెట్టారు. అయితే ‘వైల్డ్‌ చికెన్’ పేరుతో ఓ రకం కోడిని మెనూలో చేర్చడాన్ని తప్పుపడుతూ జంతు సంరక్షణ సంస్థ ఓ వీడియోను పోస్టు చేసింది. ఈ వీడియో కాస్త వైరల్‌గా మారడంతో సీఎం వివాదంలో చిక్కుకున్నారు.