నాంపల్లిలో బస్సు బీభత్సం

హైదరాబాద్‌లోని నాంపల్లిలో బయో టాయిలెట్ బస్సు బీభత్సం సృష్టించింది. గ్రూప్ 1 పరీక్షల నేపథ్యంలో పలు ప్రాంతాల్లో అభ్యర్థుల కోసం బయో టాయిలెట్ బస్సులను అధికారులు ఏర్పాటు చేశారు. అందులో భాగంగా నాంపల్లిలోని ఇందిరా ప్రియదర్శిని ప్రభుత్వ కళాశాల వద్ద పరీక్ష రాయడానికి వచ్చే విద్యార్థుల కోసం బయో టాయిలెట్ బస్సును ఏర్పాటు చేశారు. డ్రైవర్ అజాగ్రత్తతో బస్సు నడపడం వల్ల కాలేజీ గోడ, గేటు ధ్వంసం అయింది. ఘటనలో ఎవరికీ ఎలాంటి ప్రమాదం జరగకపోవడంతో అంతా ఊపిరి పీల్చుకున్నారు.