కుంటలను తలపిస్తున్న రోడ్డు.. కన్నెత్తి చూడని అధికారులు

గండీడ్ మండల పరిధిలోని లింగాయపల్లి, జక్లపల్లి, జిన్నారం పలు గ్రామాలకు పరిగి వైపు వెళ్లే రోడ్డు చిన్న చిన్న కుంటలను తలపిస్తోంది. అధికారులు ఈ గ్రామాల వైపు కన్నెత్తి చూడడం లేదని ప్రజలు మండిపడుతున్నారు. అసెంబ్లీ ఎన్నికల సమయంలో రోడ్డు వేయిస్తానని హామీ ఇచ్చారని, నెలలు గడుస్తున్నా ఇటువైపు రాకపోవడం విడ్డూరంగా ఉందని విమర్శిస్తున్నారు. ఎమ్మెల్యే, సంబంధిత అధికారులు స్పందించి రోడ్డు మరమ్మత్తులు చేయాలని కోరుతున్నారు.