మూడు వికెట్లను కోల్పోయిన భారత్

సిడ్నీ టెస్టు నుంచి రోహిత్ శర్మకు విశ్రాంతి ఇచ్చినా.. జట్టు ప్రదర్శనలో పెద్దగా మార్పు లేదు. ఓపెనర్లు త్వరగానే పెవిలియన్‌కు చేరారు. వన్‌డౌన్‌ బ్యాటర్ శుభ్‌మన్‌ గిల్ (20) లంచ్‌ బ్రేక్‌కు ముందు ఔటయ్యాడు. ప్రస్తుతం తొలి సెషన్‌ ముగిసేసరికి టీమ్‌ఇండియా 3 వికెట్ల నష్టానికి 57 పరుగులు చేసింది. కేఎల్ రాహుల్ (4), యశస్వి జైస్వాల్ (10) విఫలమయ్యారు. విరాట్ కోహ్లీ (12*) నెమ్మదిగా ఆడుతున్నాడు. ఆసీస్ బౌలర్లు స్టార్క్, బోలాండ్, లైయన్ తలో వికెట్ తీశారు.