తెలంగాణ గ్రామీణ బ్యాంక్ రుద్రూర్ శాఖ ఆధ్వర్యంలో ఋణ మేళా....

రుద్రూర్ మండల కేంద్రంలో తెలంగాణ గ్రామీణ బ్యాంక్ రుద్రూర్ శాఖ, బోధన్ శాఖ వారి ఆధ్వర్యంలో బుధవారం ఋణ మేళా కార్యక్రమాన్ని ఏర్పాటు చేశారు. ఈ సందర్భంగా తెలంగాణ గ్రామీణ బ్యాంక్ మేనేజర్ వాసు మాట్లాడుతూ మార్ట్ గేజ్ ఋణాలు, రైతు నేస్తం, విద్యా ఋణాలు, వ్యాపార ఋణాలు, బంగారు ఆభరణాలపై ఋణాలు ఇవ్వబడునని తెలిపారు. రైతులు, విద్యార్థులు, వాహన దారులు ఈ అవకాశాన్ని సద్వినియోగం చేసుకోవాలని ఆయన పేర్కొన్నారు.