కేజ్రీవాల్ అంటే ప్రధానికి భయం: ఎంపీ సంజయ్

కేజ్రీవాల్‌ను చూసి ప్రధాని మోదీ భయపడుతున్నారని శివసేన ఉద్ధవ్ వర్గానికి చెందిన ఎంపీ సంజయ్ రౌత్ ఎద్దేవా చేశారు. రామ్‌లీలా మైదానంలో ఆప్ తలపెట్టిన ర్యాలీకి హాజరవుతారని వెల్లడించారు. జైలు నుంచే విధులు నిర్వర్తిస్తుండటంతో బీజేపీకి కేజ్రీవాల్ మరింత ప్రమాదకరంగా తయారయ్యారని పేర్కొన్నారు. ప్రజలు ఆయన చెప్పేది వినటమేకాదు.. మద్దతుగా తరలివస్తారని పేర్కొన్నారు. స్వాతంత్ర్య పోరాటంలో జైలుకు వెళ్లిన నాయకులు బలంగా తిరిగి వచ్చారన్నారు.