కోట మైసమ్మ జాతరలో భారీ పోలీసు బందోబస్తు

కారేపల్లి మండలం ఉసిరికాయలపల్లిలోని శ్రీ కోటమైసమ్మ తల్లి ఆలయ ప్రాంగణంలో జరిగే జాతరకు 120 మంది పోలీసులతో బందోబస్తు నిర్వహించనున్నట్లు అదనపు డీసీపీ ప్రసాదరావు తెలిపారు. జాతర ప్రాంగణాన్ని ఖమ్మం రూరల్ ఏసీపీ తిరుపతిరెడ్డితో కలిసి అయన బుధవారం పరిశీలించి మాట్లాడారు. ఐదురోజుల పాటు జరిగే జాతరలో ఇద్దరు సీఐలు, నలుగురు ఎస్ఐలతో పాటు 120 మంది పోలీసులతో దశలవారీగా బందోబస్తు నిర్వహించనున్నట్లు పేర్కొన్నారు.