వైరా: బైక్ పల్టీ... వ్యక్తికి తీవ్ర గాయాలు
బైక్ అదుపు తప్పి పల్టీ కొట్టిన ఘటనలో ఓ వ్యక్తికి తీవ్ర గాయాలయ్యాయి. కామేపల్లి మండలంలోని పొన్నేకల్ గ్రామానికి చెందిన కూరాకుల కోటేశ్వరరావు పని నిమిత్తం ఖమ్మం వెళ్లి తిరిగి బైక్ పై పండితాపురం స్టేజీ వైపు వెళ్తున్నాడు. పండితాపురం సంత సమీపంలోని శ్రీనివాస ఫంక్షన్ హాల్ ఎదురుగా బైక్ అదుపు తప్పి పల్టీ కొట్టింది. కోటేశ్వరరావుకు తీవ్ర గాయాలు కాగా, 108 ద్వారా ఖమ్మం ప్రభుత్వ ఆస్పత్రికి తరలించారు.
