బీర్ బాటిల్‌లో బల్లి అవశేషాలు (VIDEO)

తెలంగాణ రాష్ట్రం వికారాబాద్ జిల్లా ధారూరులోని ఓ వైన్‌ షాపులో గురువారం కొన్న బీరు సీసాలో బల్లి అవశేషాలు ఉండటం కలకలం రేపుతోంది. కేరెల్లి గ్రామానికి చెందిన లక్ష్మీకాంత్‌రెడ్డి, అనంతయ్యలు స్థానిక విజయదుర్గా వైన్ షాపులో రూ.4 వేల విలువైన మద్యం కొనుగోలు చేశారు. అందులోని బడ్‌వైజర్ బీరు సీసాలో బల్లి అవశేషాలు ఉన్నట్లు గుర్తించి వెంటనే ఫిర్యాదు చేశారు. దీనికి సంబంధించిన వీడియో సోషల్ మీడియాలో తెగ వైరలవుతోంది.