వనపర్తి: ఏడీసీ మురళీకృష్ణకు ఘన సన్మానం

వనపర్తి ఆర్టీసీ డిపోలో ఏడీసీగా పనిచేస్తూ ఉద్యోగ విరమణ పొందిన జీ. మురళీకృష్ణను బుధవారం కొత్తకోట మాజీ ఎంపీపీ గుంత మౌనిక మల్లేష్, సహచర ఆర్టీసీ ఉద్యోగులు ఘనంగా సన్మానించారు. విధి నిర్వహణలో 35 సంవత్సరాలుగా అంకిత భావంతో పనిచేసిన ఆయన సేవలను పలువురు ఉద్యోగులు కొనియాడారు. పదవీ విరమణ పొందిన మురళీకృష్ణ ఆయురారోగ్యాలతో ఉండి తన శేషజీవితాన్ని ఆనందంగా గడపాలని కోరారు. ఈ కార్యక్రమంలో ఆర్టీసీ సిబ్బంది, తదితరులు పాల్గొన్నారు.