రాంచెరువు సుందరీకరణలో నిర్లక్ష్యం వీడాలి

మంచిర్యాల పట్టణంలోని రాంచెరువు సుందరీకరణ పనులు చేపట్టడంలో అధికారులు బాధ్యతారహితంగా వ్యవహరిస్తున్నారని బీజేపీ సీనియర్ నాయకులు తుల మధుసూదన్ రావు ఆరోపించారు. శుక్రవారం వివిధ సంఘాల నాయకులతో కలిసి ఆయన రాంచెరువును సందర్శించారు. ఈ సందర్భంగా మాట్లాడుతూ రూ. 2 లక్షల వ్యయంతో నాణ్యత పాటించకుండా చెరువు మత్తడి నిర్మించారని తెలిపారు. వెంటనే చెరువు పరిరక్షణ, అభివృద్ధికి చర్యలు తీసుకోవాలని డిమాండ్ చేశారు.