పోలీసులపై బాంబులతో మావోయిస్టుల దాడి

ఛత్తీస్‌గఢ్‌లో మావోయిస్టులు రెచ్చిపోయారు. బీజాపూర్ జిల్లా చుట్వాహిలో పోలీసు క్యాంపుపై సోమవారం బాంబులతో దాడి చేశారు. అయితే మావోయిస్టుల దాడి నుంచి పోలీసులు తృటిలో తప్పించుకున్నారు. వారంతా సురక్షితంగా బయటపడినట్లు తెలుస్తోంది. ఇటీవల బీజాపూర్ జిల్లాలోనే జరిగిన ఎన్‌కౌంటర్‌లో 9 మంది మావోయిస్టులు చనిపోయారు. దీనికి నిరసనగా 5 రాష్ట్రాల్లో నేడు మావోయిస్టులు బంద్‌కు పిలుపునిచ్చారు.