ఆమనగల్లు లో క్రికెట్ పోటీలు ప్రారంభం

నల్లగొండ జిల్లా వేములపల్లి మండలం ఆమనగల్లు గ్రామంలో కొలువైన శ్రీ పార్వతి రామలింగేశ్వర స్వామి జాతర సందర్భంగా క్రికెట్ పోటీలు దేవాలయ చైర్మన్ తాళ్ల వెంకటేశ్వర్లు మంగళవారం ప్రారంభించారు. ఈ సందర్భంగా ఆయన మాట్లాడుతూ, క్రీడలు మానసిక ఉల్లాసానికి దోహద పడతాయన్నారు. స్నేహపూర్వక క్రీడలు నిర్వహించుకోవాలని కోరారు. క్రీడల్లో గెలుపు ఓటములు సహజమన్నారు. కొండ వెంకన్న, బిక్షం జొజి, కలమ్మ, యుగంధర్, తదితరులు పాల్గొన్నారు.