ఎడపల్లి: వీధి కుక్కల వీరంగం.. ముగ్గురిపై దాడి

ఎడపల్లి మండలం ఏఆర్పీ క్యాంపులో శునకాలు రెచ్చిపోతున్నాయి. రెండు వారాల వ్యవధిలో ఆరుగురిపై దాడికి పాల్పడి విచక్షణా రహితంగా గాయపర్చాయి. తాజాగా మంగళవారం గ్రామానికి చెందిన అబ్దుల్ సోఫిపై శునకం దాడి చేసి తీవ్రంగా గాయపరిచింది. అలాగే ఓ పసి బాలుడిపై, ఓ బాలికపై దాడి చేసి గాయపర్చాయి. కుక్కల దాడులు రోజురోజుకు పెరుగుతున్నాయని, వాటి బెడద నుంచి జనాలను కాపాడాలని గ్రామస్తులు కోరుతున్నారు.