పూరీ రత్నభాండాగారంలో రహస్య సొరంగాలు లేవు: పర్యవేక్షణ కమిటీ

ఒడిశాలోని పూరీ జగన్నాథుని రత్నభాండాగారం రహస్య గదిని 46 ఏళ్ల తర్వాత తెరిచారు. రహస్య గదిలో పెద్ద పరిమాణంలో ఉన్న మూడు పెట్టెలు, 4 భారీ సైజు అల్మారాల్లో ఉన్న ఆభరణాలను తాత్కాలిక స్ట్రాంగ్ రూమ్‌కు తరలించారు. లోపల విష సర్పాలున్నాయని జరిగిన ప్రచారంలో వాస్తవం లేదని తేలింది. సొరంగాలకు సంబంధించి కూడా ఎలాంటి ఆధారాలు గుర్తించలేదని.. రహస్య గదిలోకి వెళ్లొచ్చిన పర్యవేక్షణ కమిటీ స్పష్టం చేసింది.