ఫిబ్రవరిలో ఈ 5 రాశుల వారికి సమస్యలు

ఫిబ్రవరి నెలలో మిథునం, కర్కాటకం, సింహం, తుల, కుంభం రాశుల వారు కొన్ని సమస్యలు ఎదుర్కోవాల్సి ఉంటుందని పండితులు చెబుతున్నారు.

మిథునం: ఈ రాశి వారు కుటుంబ జీవితంలో చాలా జాగ్రత్తగా, తెలివిగా వ్యవహరించాలి. మొదటి 15 రోజుల్లో వ్యాపారంలో నష్టపోయే అవకాశాలున్నాయి. ఉద్యోగాలు మారాలనే ఆలోచనలు కూడా వస్తాయి. కాబట్టి జగ్రత్తగా ఉండాలి. మీ పోటీదారులు మీకు ఇబ్బందులు సృష్టించడానికి ప్రయత్నిస్తారు. మీరు మానసిక ఒత్తిడికి గురయ్యే అవకాశం ఉంది.

కర్కాటకం: ఈ రాశి వారికి కెరీర్ రంగంలో అడ్డంకులు వచ్చే అవకాశం ఉంది. మీ పనులను సమయానికి పూర్తి చేయలేరు. ఎంత కష్టపడినా పూర్తి ప్రయోజనం ఉండదు. వ్యాపార పోటీదారుల పట్ల జాగ్రత్త వహించండి. కుటుంబంలో వాగ్వాదాలు తలెత్తవచ్చు. తెలివిగా వ్యవహరించండి.

సింహం: సింహం రాశి వారికి ఈసారి వ్యాపారంలో లాభాలు రాకపోవచ్చు. పనిలో ఒత్తిడిని ఎదుర్కోవాల్సి రావొచ్చు. కష్టపడి తెలివిగా పని చేయండి. వ్యాపారంలో నిపుణుల సలహా తీసుకోండి. ఆర్థికంగా నష్టపోయే అవకాశం ఉంది. ఇంట్లో గొడవలు జరిగే అవకాశం ఉంది. ఓపికతో సమస్యలను పరిష్కరించుకోండి.

తుల: ఈ రాశి వారు సకాలంలో పనులను పూర్తి చేయలేరు. వ్యాపారంలో పెట్టుబడి పెట్టి నష్టపోయే అవకాశముంది. కుటుంబంలో గొడవలు రాకుండా చూస్కోండి. జీవిత భాగస్వామితో విభేదాలు వచ్చే అవకాశం ఉంది.

కుంభం: కుంభం రాశి వారు ఈ నెలలో చాలా సమస్యలను ఎదుర్కొంటారు. పని ఒత్తిడి కూడా పెరిగే అవకాశం కనిపిస్తోంది. వ్యాపారులకు లాభాలు ఉండవు, నష్టాలు రావు. ఈ నెలలో లాభాన్ని ఆశించకుండా పని చేయండి. జాగ్రత్తగా ఉండండి.