రూ. 20 లక్షల వరకు ముద్రా రుణం.. పొందటానికి అర్హతలు?

18 ఏళ్ల వయసు నిండిన భారత పౌరులు ఎవరైనా ముద్రా రుణాల కోసం దరఖాస్తు చేసుకోవచ్చు. వ్యవసాయేతర కార్యకలాపాలైన తయారీ, శుద్ధి, వ్యాపారం, సేవా రంగం వంటి ఉపాధి సృష్టించే ప్రణాళిక ఉన్న వారు ఎవరైనా ముద్రా రుణాలకు అర్హులే. దరఖాస్తుదారు ఏ బ్యాంకులోనయినా డిఫాల్టర్ అయి ఉండకూడదు. రుణాల చెల్లింపు చరిత్ర బాగుండాలి. ముద్రా రుణం కోసం దరఖాస్తు చేసుకున్న వ్యాపారం లేదా పరిశ్రమ రంగంలో దరఖాస్తుదారుకు నైపుణ్యం, అనుభవం ఉండాలి.