రేపు గ్రామీణ భారత్‌ బంద్‌

తమ పంటలకు కనీస మద్దతు ధరకి చట్టబద్ధతతోపాటు పలు డిమాండ్ల సాధన కోసం దేశ రాజధాని ఢిల్లీని ముట్టడించిన రైతులు తమ ఉద్యమాన్ని ఉధృతం చేస్తున్నారు. దీంతో ఉద్యమం మూడో రోజుకు చేరుకుంది. ఈ క్రమంలోనే ఈ నెల 16న గ్రామీణ భారత్‌బంద్‌కు పిలుపునిచ్చినట్లు సంయుక్త కిసాన్‌ మోర్చా (ఎస్‌కేఎం) ప్రకటించింది. తమ సమస్యలను ప్రజలకు వివరించి, కేంద్ర ప్రభుత్వ తీరును ఎండగట్టాలని తెలిపింది. ఈ బంద్‌కు పలు కేంద్ర కార్మిక సంఘాలు మద్దతు ప్రకటించాయి.