పారిస్ పారాలింపిక్స్‌లో భారత్‌కు రెండో బంగారు పతకాన్ని అందించిన షట్లర్ నితేష్ కుమార్

పారిస్ 2024 పారాలింపిక్స్ పురుషుల సింగిల్స్ SL3 ఈవెంట్‌లో భారత్‌కు చెందిన 29 ఏళ్ల బ్యాడ్మింటన్ ఆటగాడు నితేష్ కుమార్ బంగారు పతకాన్ని కైవసం చేసుకున్నాడు. సోమవారం జరిగిన ఫైనల్‌‌లో బ్రిటన్ షట్లర్ డేనియల్ బెథెల్‌పై 21-14, 18-21, 23-21 తేడాతో విజయం సాధించాడు. ప్రస్తుతం జరుగుతున్న పారాలింపిక్స్‌లో భారత్‌కు ఇది తొమ్మిదో పతకం. పారాలింపిక్స్ చరిత్రలో భారత్ బ్యాడ్మింటన్‌లో ఐదు పతకాలు సాధించింది.