ప్రజాపాలన వేడుకలో జాతీయ జెండావిష్కరణ చేయనున్న మంత్రి

తెలంగాణ ప్రజాపాలన దినోత్సవం సందర్భంగా సిద్దిపేట పట్టణంలోని స్థానిక ప్రభుత్వ డిగ్రీ కళాశాల మైదానంలో మంగళవారం వేడుకలు నిర్వహించనున్నారు. ఈ కార్యక్రమంలో రాష్ట్ర రవాణా శాఖ మంత్రి పొన్నం ప్రభాకర్ జాతీయ జెండా ఆవిష్కరించనున్నారని, అనంతరం పోలీసు శాఖ ఆధ్వర్యంలో కవాతు ఉంటుందని తెలిపారు. కార్యక్రమంలో జిల్లా కలెక్టర్ మనుచౌదరి, అధికారులు, ప్రజాప్రతినిధులు, నాయకులు పాల్గొననున్నారు.