రోడ్డు ప్రమాదంలో యువకునికి గాయాలు

కోదాడ పట్టణంలోని నయా నగర్ అనంతగిరి రోడ్డు లో సోమవారం రాత్రి జరిగిన రోడ్డు ప్రమాదంలో అనంతగిరి మండలం పాలవరం గ్రామానికి చెందిన కుమార్ అనే యువకుడికి తీవ్ర గాయాలయ్యాయి. కోదాడ నుండి ద్విచక్ర వాహనంపై అతివేగంగా వెళుతూ అదుపుతప్పి పడిపోవడంతో ఈ ప్రమాదం చోటుచేసుకుంది. స్థానికులు గమనించి 108 కు సమాచారం ఇచ్చారు. క్షతగాత్రున్ని చికిత్స నిమిత్తం కోదాడ ప్రభుత్వ వైద్యశాలకు తరలించారు.