గుర్రం జాషువా జయంతి ఉత్సవాలను జయప్రదం చేయండి

సామాజిక స్వచ్ఛంద సంస్థలు హోప్ స్వచ్ఛంద సేవా సమితి, సింధు ఆర్ట్స్ అకాడమీ ఆధ్వర్యంలో ఆదివారం కోదాడలో ఎమ్మెల్యే క్యాంప్ ఆఫీస్ నందు గౌరవనీయులు ఎమ్మెల్యే బొల్లం మల్లయ్య యాదవ్ ముఖ్య అతిథిగా హాజరై గుర్రం జాషువా జయంతి ఉత్సవాలు బ్రోచర్ను ఆవిష్కరించారు. అనంతరం ఆయన మాట్లాడుతూ ఆధునిక భారతదేశంలో మూఢ నమ్మకాలను పారద్రోలి తన రచనలు, కవితలు, కావ్యాల ద్వారా ప్రజలను చైతన్యవంతులను చేయుటలో కీలక కీలకపాత్ర వహించినారు. సామాజిక కవి శ్రీ గుర్రం జాషువా ఆయన 126 వ జయంతి ఉత్సవాలను హైదరాబాద్ నందు రవీంద్రభారతిలో ఆదివారం సెప్టెంబర్ 26 వ తారీఖున సాయంత్రం 6 గంటలకు ఘనంగా నిర్వహించబడును.

ఈ కార్యక్రమానికి సాహితీవేత్తలు, కవులు, కళాకారులు, రచయితలు, సామాజిక కార్యకర్తలు, ప్రముఖులు హాజరై ఈ కార్యక్రమాన్ని విజయవంతం చేయవలసిందిగా కోరుతున్నాం. కోవిడ్ 19, లాక్ డౌన్ సమయంలో పేద ప్రజలకు , అనాధలకు సామాజిక కార్యక్రమాలు నిర్వహించిన రెండు తెలుగు రాష్ట్రాలలో ప్రతిభావంతులను వారి సేవలను గుర్తించి గుర్రంజాషువా జాతీయ పురస్కారాలు 2021 అందజేసి ఘనంగా సన్మానించబడును. ఈ కార్యక్రమంలో హోప్ స్వచ్ఛంద సంస్థ అధ్యక్షులు దైదా వెంకన్న టిఆర్ఎస్ నాయకులు సుంకర అజయ్ కుమార్,మున్సిపల్ కో ఆప్షన్ నెంబర్ డాక్టర్ బ్రహ్మం, నరాల రుక్కా రావు, మేడి పౌండేషన్ అధ్యక్షుడు మేడి కృష్ణ, సూక్ష్మ కళాకారుడు తమలపాకుల సైదులు, తదితరులు పాల్గొన్నారు..