కోదాడలో ఇళ్లలోకి వరద నీరు

కోదాడ పట్టణంలోని శ్రీమన్నారాయణ కాలనీ, ఆజాద్ నగర్, ఎమ్మెస్ కళాశాల వెనుక వీధుల్లో లోతట్టు ప్రాంతాల్లో వరద నీరు ఇళ్లలోకి చేరింది. ఇళ్లలోని వస్తువులన్నీ నీళ్లలో తేలాడుతున్నాయి. వాగులు వంకలు మూసి వేయడం మూలంగానే ఈ దుస్థితి ఏర్పడిందని స్థానికులు ఆవేదన వ్యక్తం చేస్తున్నారు. కాగా వరద ప్రభావం పై మున్సిపల్ చైర్ పర్సన్ సామినేని ప్రమీల స్పందించి జెసిబిల సహాయంతో వరద నీరు ఇళ్లలోకి రాకుండా చేయాలని కౌన్సిలర్లకు, సిబ్బందికి ఆదేశించారు.