యువతరం చేగువేరను స్పూర్తిని తీసుకొని రాజకీయాలలో రావాలి : ఏఐఎస్ఎఫ్

అఖిల భారత విద్యార్థి సమైక్య ఏఐఎస్ఎఫ్ ఆధ్వర్యంలో మంగళవారం ఏఐఎస్ఎఫ్ సూర్యాపేట జిల్లా కమిటీ అధ్వర్యంలో చేగువేర 94వ జయంతి సందర్భంగా స్థానిక సూర్యాపేట కేంద్రంలో చేగువేర చిత్రపటానికి పూలమాలవేసి నివాళులర్పించారు. తదనంతరం కేక్ కట్ చేసి సంబరాలు జరుపుకున్నారు. ఈ సందర్భంగా ఏఐఎస్ఎఫ్ జిల్లా ఉపాధ్యక్షులు గోపగాని రవి మాట్లాడుతూ యువతరం చేగువేరా చేసినటువంటి పోరాటాలకు స్ఫూర్తిని తీసుకొని రాజకీయాల్లో రావాల్సిన అవసరం ఎంత అయినా ఉందని ఆయన అన్నారు. కేంద్ర రాష్ట్ర ప్రభుత్వాలు అవలంబిస్తున్న ప్రజావ్యతిరేక విధానాలను నిరసిస్తూ యువతరం పోరాటాలకు సిద్ధం కావాలన్నారు. ఈ కార్యక్రమంలో పట్టణ అధ్యక్షుడు జూజ్జురి వేణు, జటంగి వేణు, గుండెబోయిన మహేష్, శివ హారిక, మనోజ్ఞ, వినూత్న, సిద్ధార్థ్, రిషికేష్, ఇమ్రాన్, కార్తీక్ తదితరులు పాల్గొన్నారు.