ఖరీఫ్ లో టమాటా నారు పెంపకంలో మెళుకువలు

ఖరీఫ్ లో జూన్ మొదటి పక్షం నుండి జూలై రెండవ పక్షం వరకు టమాటా సాగు చేసుకోవచ్చు. విత్తన సమయంలో ఒక కిలో విత్తనాలకు 3గ్రా.మెటాలాక్సిల్, 2 గం. తర్వాత 4గ్రా. ట్రైకోడెర్మా విరిడితో విత్తన శుద్ధి చేయాలి. ఆ తరువాత 5గ్రా.ఇమిడా క్లోప్రిడ్ ను విత్తనాలకు పట్టించాలి. పొలంలో సూర్యరశ్మి, గాలి బాగా వీచే ప్రాంతంలో నారుమడి చేసుకోవాలి. ఒక ఎకరం పంటకు 4 మీ పొడవు, ఒక మీటర్ వెడల్పు, 5 సెం.మీ. ఎత్తు ఉండే పది నారుమళ్లు చేసుకోవాలి. ఆ తర్వాత విత్తనాలను నారుమడిలో పలచగా చల్లుకోవాలి.