వయనాడ్‌ని సందర్శించినందుకు ధన్యవాదాలు మోదీ జీ.. ఇది మంచి నిర్ణయం: రాహుల్ గాంధీ

కేరళలోని వయనాడ్‌లో కొండచరియలు విరిగిపడిన ప్రాంతాలను సందర్శించిన ప్రధాని నరేంద్ర మోదీకి కాంగ్రెస్ అగ్రనేత రాహుల్ గాంధీ ధన్యవాదాలు తెలిపారు. ‘భయంకరమైన విషాదాన్ని వ్యక్తిగతంగా తెలుసుకునేందుకు వయనాడ్‌ను సందర్శించినందుకు మోదీ జీ ధన్యవాదాలు. ఇది మంచి నిర్ణయం’ అని రాహుల్ అన్నారు. ఇక్కడి విధ్వంసాన్ని ప్రత్యక్షంగా చూసిన తర్వాత, ప్రధాని దానిని జాతీయ విపత్తుగా ప్రకటిస్తారని తనకు నమ్మకం ఉందని ఆయన అన్నారు.