155 సార్లు కంపించిన భూమి.. 8 మంది మృతి

వరుస భూకంపాలతో జపాన్‌ వణికిపోతున్నది. సోమవారం నుంచి ఇప్పటివరకు 155సార్లు భూమి కంపించిందని జపాన్‌ వాతావరణ శాఖ తెలిపింది. కాగా, సెంట్రల్‌ జపాన్‌లో సోమవారం నాటి భారీ భూకంపం వల్ల 8 మంది మరణించారని అధికారులు తెలిపారు. సునామీ రావడంతో వాజిమా పట్టణంలో దాదాపు 30 భవనాలు కుప్పకూలాయి. విద్యుత్‌ సరఫరా నిలిచిపోవడంతో 32,700 మందికి పైగా నివాసితులు అంధకారంలోనే ఉండిపోయారన్నారు. ఇషికావా తీరంలో అలలు విరుచుకుపడ్డాయి.