బ్రిటన్లోని సార్క్ దీవిలో ప్రపంచంలోనే అతి చిన్న చెరసాల ఉంది. ఇందులో ఇద్దరు ఖైదీల కోసం రెండు గదులు, వాటి మధ్య సన్నని నడక మార్గం ఉంటుంది. ఇక దీనికి పైకప్పుగా చెక్కపీపా ఉంటుంది. ఈ జైలును 1857లో నిర్మించగా, ఇప్పటికీ వినియోగంలో ఉండటం విశేషం. అయితే ఈ జైలులో ఏదైనా నేరారోపణతో పట్టుబడిన నిందితులను 2 రోజులు మాత్రమే ఇక్కడ ఉంచుతారు. కోర్టులో హాజరుపరచిన తర్వాత గ్రంజీ దీవిలోని పెద్ద జైలుకు తరలిస్తారు.