మా కుటుంబానికి ఇది కఠినమైన రోజు: కరీనా కపూర్‌

బాలీవుడ్‌ నటుడు సైఫ్‌ అలీఖాన్‌పై ముంబైలోని తన నివాసంలో ఓ దుండగుడు దాడికి పాల్పడిన విషయం తెలిసిందే. ఈ దాడిలో కత్తిపోట్లకు గురైన సైఫ్‌ ప్రస్తుతం ఆసుపత్రిలో చికిత్స పొందుతున్నారు. ఈ ఘటనపై సైఫ్‌ సతీమణి, నటి కరీనా కపూర్‌ ఖాన్‌ స్పందించారు. తమ కుటుంబానికి ఇది కఠినమైన రోజు. ఏం జరిగిందో తెలుసుకునే ప్రయత్నం చేస్తున్నాం. ఈ క్లిష్ట సమయంలో మద్దతుగా నిలిచినవారందరికీ కృతజ్ఞతలు." అని కరీనా ఇన్‌స్టాగ్రామ్‌లో పోస్ట్ చేశారు.