వాజ్‌పేయీ శత జయంతి .. రేపు ఎన్డీయే నేతల కీలక భేటీ

బీజేపీ జాతీయాధ్యక్షుడు జేపీ నడ్డా నివాసంలో బుధవారం ఎన్డీయే నేతల సమావేశం జరగనుంది. అటల్ బిహారీ వాజ్‌పేయీకి నివాళి కార్యక్రమం అనంతరం మధ్యాహ్నం 12 గంటలకు లేదా సాయంత్రం 4 గంటలకు భేటీ అయ్యే అవకాశం ఉన్నట్లు పార్టీ వర్గాలు తెలిపాయి. ఎన్డీయే నేతల సమావేశానికి ఏపీ సీఎం చంద్రబాబు హాజరుకానున్నారు. దేశంలో ప్రస్తుత రాజకీయ పరిస్థితులు, పార్లమెంటు సమావేశాల సందర్భంగా చోటు చేసుకున్న ఘటనలు, తదుపరి కార్యాచరణపై నేతలు చర్చించనున్నారు.