విశాఖ- సికింద్రాబాద్ వందేభారత్ సెలవుని ఆదివారం నుంచి మంగళవారానికి మార్చిన రైల్వేశాఖ

రైల్వేశాఖ అధికారులు విశాఖ- సికింద్రాబాద్ మధ్య నడిచే వందేభారత్ రైలు షెడ్యూల్లో మార్పులు చేశారు. డిసెంబర్ 10 నుంచి ఈ రైలుకు ప్రతి మంగళవారం సెలవు ఇస్తామని అధికారకంగా ప్రకటించారు. ప్రస్తుతం ఆదివారం మినహా మిగిలిన రోజుల్లో ఈ రైలు నడుస్తోంది. సికింద్రాబాద్ నుంచి విశాఖకు దూరం 698 కిమీ ఉంటుంది. ఈ మార్గంలో వందేభారత్ రైలు కేవలం 8.40 గంటల్లోనే గమ్యాన్ని చేరుకుంటుంది. మిగిలిన రైళ్లకు దాదాపు 12 గంటలకు పైగానే సమయం పడుతుందని అధికారులు తెలిపారు.