కొడకండ్ల: బస్సు కింద పడి బాలుడు మృతి

జనగామ జిల్లా కొడకండ్ల మండలం చెరువు ముందు తండాలో విషాదం నెలకొంది. గురువారం ఉదయంబస్సు కింద పడి ప్రమాదవశాత్తు వాంకుడోతు శ్రీహన్ అనే రెండు సంవత్సరాల బాలుడు మృతి చెందాడు. వాంకుడోతు రమేష్ పెద్ద కూతురు బస్సు ఎక్కిస్తున్న క్రమంలో ప్రమాదవశాత్తు బాలుడు బస్సు ఎదురుగా రావడంతో గమనించని స్కూల్ బస్సు డ్రైవర్ బాలుడి పై నుంచి బస్సు టైరు ఎక్కడంతో అక్కడికక్కడే మృతి చెందాడు. ఘటన స్థలానికి చేరుకున్న స్థానిక ఎస్సై రాజు, సృజన్ కుమార్ కేసు నమోదు చేసి దర్యాప్తు చేస్తున్నారు.