గ్రామాన్ని పరిశుభ్రంగా ఉంచుకోవాలి: సర్పంచ్

వరంగల్ రూరల్ జిల్లా పర్వతగిరి మండలం చౌటపల్లి గ్రామంలో 30 రోజుల ప్రణాళికలో భాగంగా పరిసరాల పరిశుభ్రత, ఇంకుడుగుంతల నిర్మాణం, వ్యక్తిగత మరుగుదొడ్లు వాడకం, ప్లాస్టిక్ నిషేధం మొదలగు కార్యక్రమాలపై ప్రజలకు అవగాహన కల్పించడం జరిగింది. ఈ సందర్భంగా గ్రామ సర్పంచ్ ఉమ మాట్లాడుతూ.. గ్రామాన్ని పరిశుభ్రంగా ఉంచుకోవాల్సిన బాధ్యత ప్రతి ఒక్కరిదని దీనికోసం అందరు కృషిచేయాలని కోరారు. ఈ కార్యక్రమంలో ఎంపిటిసి లావణ్య, ఉప సర్పంచ్ రేణుక, స్పెషల్ ఆఫీసర్ కృష్ణమూర్తి, రవీందర్ రాజు, అంగన్వాడీ కార్యకర్తలు, ఆశ వర్కర్లు వివో అధ్యక్షురాల్లు, మహిళా సంఘాల సభ్యులు పాల్గొన్నారు.