పాఠశాలలో ఘనంగా ముందస్తు బతుకమ్మ వేడుకలు

వరంగల్ రూరల్ జిల్లా పర్వతగిరి మండలంలోని వివిధ పాఠశాలల్లో శుక్రవారం ముందస్తు బతుకమ్మ వేడుకలను ఘనంగా నిర్వహించారు. పలు పాఠశాలలో విద్యార్థులు సాంప్రదాయ దుస్తులతో తంగేడు, గునుగు, బంతి, చేమంతి పూలతో బతుకమ్మలను పేర్చి బతుకమ్మ పాటలకు లయబద్ధంగా నృత్యాలు చేశారు.
మండల కేంద్రంలోని విజ్డమ్ ఇంగ్లీష్ మీడియం పాఠశాలలో నిర్వహించిన వేడుకలలో ప్రిన్సిపల్ దేవేందర్ మాట్లాడుతూ.. సంస్కృతి సాంప్రదాయాలను పరిరక్షిస్తూ.. భావితరాలకు అందించాలని, బతుకమ్మ పండుగ తెలంగాణ ప్రజల ఆత్మగౌరవానికి ప్రతీక అని తెలిపారు. కార్యక్రమంలో పాఠశాల ఉపాధ్యాయినీ ఉపాధ్యాయులు విద్యార్థులు పాల్గొన్నారు.