బురదమయం రహదారిపై రాకపోకలకు ఇబ్బందులు

కురుస్తున్న వర్షాలకు అల్లూరి జిల్లా రంపచోడవరం నియోజకవర్గంలోని ఏలేశ్వరం గొంటీవానిపాలెంకు మధ్య రహదారి బురదమయంగా మారడంతో రాకపోకలకు ఇబ్బందులు ఎదురవుతున్నాయి. దీనికి తోడు ఇటీవల కురిసిన భారీ వర్షానికి రహదారి కోతకు గురైంది. కనీసం మట్టిని కూడా పూడ్చకపోవడంతో గోతులు ఏర్పడి వాహనాలు తిరగలేని పరిస్థితి నెలకొందని పలువురు వాహనదారులు మంగళవారం ఆవేదన వ్యక్తం చేశారు. రహదారి సమస్యపై అధికారులు స్పందించాలన్నారు.