బత్తలపల్లిలో ఘనంగా బాలల దినోత్సవం

బత్తలపల్లి జిల్లా పరిషత్ బాలిక ఉన్నత పాఠశాల బాలల దినోత్సవాన్ని గురువారం ఘనంగా నిర్వహించారు. ముఖ్యఅతిథిగా రిటైర్డ్ ఉపాధ్యాయురాలు బి. మారుతి హాజరయ్యారు. పాఠశాల విద్యార్థులకు ఆటల పోటీలు, ముగ్గుల పోటీలు, పాటలు, పొడుపు కథలు, మొదలైన పోటీలు నిర్వహించారు. పదవ తరగతి పబ్లిక్ పరీక్షలలో 561 మార్కులు సాధించిన బిందుశ్రీకి రూ. 2,116లు, 553 మార్కులకు చందనకు రూ. 1,516, 547 మార్కులకు రూ. 1,016 బహుమతులుగా ప్రదానం చేశారు.