గురు పౌర్ణమి వేడుకలలో పాల్గొన్న ఎమ్మెల్యే

మదనపల్లె పట్టణంలో ఆదివారం పలు ఆలయాల్లో గురు పౌర్ణమి వేడుకలను ప్రజలు ఘనంగా జరుపుకున్నారు. పెంచుపాడు రోడ్డులోని సాయి ఆలయంలో బాలు, హరిబాబు గురుపౌర్ణమి సందర్భంగా శిరిడి సాయి బాబాకు ప్రత్యేక పూజలు నిర్వహించారు. ఈ వేడుకలకు ఎమ్మెల్యే షాజహాన్ బాష హాజరయ్యారు. భక్తులకు ప్రసాదాలు అందజేశారు. మధ్యాహ్నం అన్నదానం కార్యక్రమం జరిగింది. ఎమ్మెల్యే వెంట వాల్మీకి సంఘం నాయకులు విజయ్ తదితరులు పాల్గొన్నారు.