వివేకా హత్య వెనుక చంద్రబాబు హస్తం ఉందని కమలాపురం ఎమ్మెల్యే రవీంద్రనాథ్ రెడ్డి సంచలన వ్యాఖ్యలు చేశారు. వివేకా హత్యకు ముందు జరిగిన విషయాలను మరుగున పడేశారని అన్నారు. ఈ హత్య వెనుక చంద్రబాబు, ఆదినారాయణ రెడ్డి, బీటెక్ రవి హస్తం ఉందని ఆయన ఆరోపించారు. వివేకా హత్యపై సీఎం జగన్ ఇచ్చిన వివరణ టీడీపీకి చెంపపెట్టు లాంటిదని మండిపడ్డారు. జగన్ వ్యాఖ్యలను రాష్ట్ర ప్రజలంతా అర్థం చేసుకున్నారని ఆయన తెలిపారు.