రోడ్డు ప్రమాదంలో ఇద్దరికీ తీవ్ర గాయాలు

ప్రమాదంలో ఇద్దరు గాయపడ్డ సంఘటన బంగారుపాలెం మండలంలో సోమవారం రాత్రి జరిగింది. కొదలమడుగు గ్రామానికి చెందిన మేస్త్రీ మహేశ్, టేకుమంద గ్రామానికి చెందిన సుబ్రహ్మణ్యం బంగారుపాళ్యం నుంచి స్వగ్రామాలకు బైక్ పై బయలుదేరారు. చిత్తూరు-పలమనేరు హైవేలోని తమిళనాడు డాబా హోటల్ వద్ద వెనుక వస్తున్న కారు ఢీకొంది. గాయపడిన వారిని చిత్తూరు ప్రభుత్వ ఆస్పత్రికి తరలించారు.