పుంగనూరు: సుడి దోమ ఆశించిన పొలాన్ని పరిశీలించిన అధికారులు
చిత్తూరు జిల్లా, పుంగనూరు మండలం, ఆరెడుగుంట గ్రామపంచాయతీ అమ్మి గాని పల్లి గ్రామంలో ఎం. రామయ్య అనే రైతు సాగుచేసిన వరి పొలాన్ని సుడిదోమ ఆశించింది. ఈ విషయం తెలుసుకున్న వ్యవసాయ అధికారులు ఆ పొలాన్ని పరిశీలించి రైతుకు తగిన సూచనలు చేశారు. రైతులు వరి పొలాల్లో కాలిబాటలు తీసుకోవడం వలన ఈ కీటకాన్ని నివారించుకోవచ్చని తెలిపారు. అంతేకాకుండా సిఫారసు మేరకు పంటకు నత్రజనిని అందించాలని సూచించారు.
