తంబళ్లపల్లె: డ్రై ఫ్రూట్స్ తో అమ్మవారికి ప్రత్యేక అలంకరణ

మండల కేంద్రమైన పెద్ద తిప్ప సముద్రంలోని ప్రసన్న పార్వతి సమేత విరూపాక్షేశ్వర స్వామి ఆలయంలో దేవీ శరన్నవరాత్రులను పురస్కరించుకుని శుక్రవారం పార్వతి అమ్మవారు డ్రైప్రూట్స్, పత్రీ, పుష్పాలంకరణలో భక్తులకు దర్శనమిచ్చారు. ఈ సందర్భంగా భక్తులు అధిక సంఖ్యలో తరలివచ్చి అమ్మవారిని దర్శించుకున్నారు. విచ్చేసిన భక్తులకు ఆలయ కమిటీ వారు అన్నప్రసాద వితరణ చేపట్టారు.