కొవ్వూరులో యువతి అదృశ్యంపై కేసు నమోదు

ఓ యువతి అదృశ్యంపై కొవ్వూరు పట్టణ పోలీసులు శనివారం కేసు నమోదు చేశారు. సీఐ విశ్వం తెలిపిన వివరాల ప్రకారం కొవ్వూరు మండలం దొమ్మేరుకు చెందిన యువతి ఈనెల 3వ తేదీన ఇంటి నుంచి బయటకు వెళ్లి తిరిగి రాలేదన్నారు. పరిసరాల్లోను, బంధువుల ఇళ్లల్లో వెతికినా ఆచూకీ లభించలేదన్నారు. దీంతో కుటుంబ సభ్యులు పోలీసులకు ఫిర్యాదు చేసినట్లు తెలిపారు. దీనిపై కేసు నమోదు చేసి దర్యాప్తు చేస్తున్నట్లు సీఐ తెలిపారు.