మోటార్ సైకిల్ చోరీపై ఫిర్యాదు

పురాతన దేవాలయమైన సామర్లకోట శ్రీమాండవ్య నారాయణస్వామి ఆలయం వద్ద గురువారం మోటార్ సైకిల్ చోరీ జరగడంపై బాధితులు అనపర్తి గ్రామానికి చెందిన తాడి బసవరెడ్డి స్థానిక పోలీసులకు ఫిర్యాదు చేశారు. ఉదయం మాండవ్య నారాయణస్వామి ఆలయానికి స్వామివారి దర్శనం నిమిత్తం విచ్చేసి తనకు గల ఎపి 39 సీబీ 6279 నంబర్ గల యాక్టివా మోటార్ సైకిల్ ఆలయం బయట పార్క్ చేసి ఆలయం లోపలికి వెళ్లి దర్శనం చేసుకుని వచ్చేసరికి కనిపించలేదని బసిరెడ్డి ఫిర్యాదులో పేర్కొన్నారు. అనపర్తి గ్రామంలోని గర్ల్స్ హై స్కూల్ రోడ్లో గల నారాయణ రెసిడెన్సీలో తాను నివసిస్తుండగా దైవ దర్శనం నిమిత్తం సామర్లకోట రాగ మోటార్ సైకిల్ చోరీకి గురైనట్టు ఆయన తెలుపుతూ పోలీసులకు ఫిర్యాదు చేశారు. ఈ ఫిర్యాదు మేరకు కేసు నమోదు చేసి స్థానిక సీఐ కే దుర్గాప్రసాద్ దర్యాప్తు చేస్తున్నారు.