గుట్కా ప్యాకెట్ల విక్రయాలపై పోలీసుల మెరుపు దాడులు

సామర్లకోట పట్టణ పరిధిలో బల్ల మార్కెట్ ఏరియాలో షాపు, మటన్ సెంటర్ షాపులలో పోలీసులు ఆదివారం మెరుపు దాడులను నిర్వహించారు. ఈ దాడులలో రూ. 4500 విలువ గల నిషేధిత గుట్కా ప్యాకెట్లను స్వాధీనం చేసుకుని, ఇద్దరు వ్యక్తులను అరెస్ట్ చేసినట్లు ఎస్ఐ సుమంత్ చెప్పారు. గత కొంతకాలంగా బల్ల మార్కెట్ మరి మటన్ సెంటర్ షాపులలో వేలాది రూపాయలు విలువగల నిషేధిత గుట్కా ప్యాకెట్లు విక్రయిస్తున్నారన్న సమాచారం మేరకు ఈ దాడులు నిర్వహించినట్లు ఎస్ఐ సుమంత్ చెప్పారు. కేసు నమోదు చేసి సంబంధిత ఇద్దరు వ్యక్తులను అరెస్టు చేసినట్లు ఎస్సై చెప్పారు. ఈ దాడుల్లో ఎస్ఐ సుమత్ తో పాటు అడిషనల్ ఎస్ఐ హరీష్ కుమార్, ఏఎస్ఐ సింహాద్రి, పోలీస్ సిబ్బంది పాల్గొన్నారు.