మలికిపురంలో రేపు పల్లె పండుగ: ఎంపీడీఓ

మలికిపురం మండలంలో ఉపాధి పనుల ప్రారంభ కార్యక్రమాన్ని పల్లె పండుగ పేరుతో మంగళవారం నిర్వహించనున్నట్లు ఎంపీడీఓ నిమ్మగడ్డ బాలాజీ సోమవారం ఒక ప్రకటనలో తెలిపారు. ఉదయం 9 గంటలకు మలికిపురం, 10 గంటలకు కత్తిమండ, 11 గంటలకు లక్కవరం, మధ్యాహ్నం మూడు గంటలకు రామరాజు లంక, సాయంత్రం నాలుగు గంటలకు దిండి గ్రామాల్లో ఈ కార్యక్రమాన్ని నిర్వహిస్తామన్నారు. ప్రజా ప్రతినిధులు, అధికారులు హాజరు కావాలని ఎంపీడీఓ కోరారు.