గుంటూరులో పోలీసులు కొవ్వొత్తులతో ర్యాలీ

అమరవీరుల సంస్మరణ వారోత్సవాలు సందర్భంగా బుధవారం రాత్రి గుంటూరులో పోలీసులు కొవ్వొత్తుల ర్యాలీ నిర్వహించారు. నగరంపాలెంలోని అమరవీరుల స్మారక చిహ్నం వద్ద జిల్లా ఎస్పీ సతీశ్ కుమార్ జెండా ఊపి ఈ ర్యాలీని ప్రారంభించారు. ఈ సందర్భంగా ఎస్పీ మాట్లాడుతూ పోలీస్ అమరవీరుల సేవలను, త్యాగాలను కొనియాడారు. ఎస్పీతో పాటు ఏఎస్పీలు, డీఎస్పీలు పెద్ద సంఖ్యలో పాల్గొని జోహార్ పోలీస్ అమరవీరులు అంటూ నినాదాలు చేశారు.