భారీ వర్షాలకు ఏపీ అతలాకుతలం అవుతోంది. ఉభయ గోదావరి, ఏలూరు, కోనసీమ, కాకినాడ, గుంటూరు తదితర జిల్లాల్లో భారీ వర్షాలకు పంటలు నీట మునిగాయి. కొవ్వాడ కాలువ ఉధృతితో నాలుగు మండలాల్లో సుమారు 8 వేల ఎకరాల ముంపునకు గురయ్యాయి. ఉభయ గోదావరి జిల్లాల్లో 65 వేల ఎకరాలకు పైగా పంటలు నీట మునిగాయి. ఇందులో సుమారు 20 వేల ఎకరాల నారుమళ్లు ఉన్నట్లు సమాచారం. పంటలు నీట మునగడంతో రైతులు ఆవేదన వ్యక్తం చేస్తున్నారు.