తప్పెట్ల శ్రీ కోదండ రామాలయంలో ధ్వజస్తంభ ప్రతిష్టాపన పూర్తి

కడప జిల్లా వల్లూరు మండలం తప్పెట్ల గ్రామంలోని శ్రీ కోదండరామాలయంలో శనివారం శ్రీ సీతారాముల, శ్రీ ఆంజనేయస్వామి ఆలయం ఎదుట ధ్వజస్థంభ ప్రతిష్టాపన అత్యంత వైభవంగా జరిగింది. తిరుపతి బ్రహ్మణోత్తములు సాయంత్రం 6.30 గంటలకు ధ్వజస్తంభ ప్రతిష్ఠపాన భారీ క్రేన్ సహాయంతో ఏర్పాటు చేశారు. ఆలయ కమిటీ చైర్మన్ రామచంద్రారెడ్డి, ప్రతినిధులు, గ్రామస్థులు సమన్వయంతో ప్రతిష్ఠపాన పూర్తయింది. స్థానిక సర్పంచ్ శాంతబాయితో పాటు ప్రతిష్ఠాపన కార్యక్రమానికి తెలంగాణ రాష్ట్రంలోని కామారెడ్డి జిల్లా ఎల్లారెడ్డి ప్రముఖ సర్జన్ డాక్టర్ నాగేశ్వర్ రావు, సీనియర్ జర్నలిస్ట్, జాతీయ జర్నలిస్ట్ సంఘం(ఎన్ యు జె) (ఇండియా) కార్యదర్శి వి.రాజేందర్ నాథ్, జర్నలిస్ట్ అసోసియేషన్ ఆఫ్ ఆంధ్రప్రదేశ్ (జాప్)రాష్ట్ర ప్రధాన కార్యదర్శి సత్యనారాయణ రెడ్డి, గ్రామస్థులు భారీ సంఖ్యలో పాల్గొన్నారు.